Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti shqiptar në Kuvendin e Serbisë, Shaip Kamberi, ka paralajmëruar rrezikun e zhdukjes së policisë multietnike në Luginën e Preshevës dhe në Sanxhak, për shkak të mungesës së përfaqësimit të drejtë të shqiptarëve dhe boshnjakëve në strukturat policore. Kamberi tha se bashkë me deputetët e Partisë së Veprimit Demokratik nga Sanxhaku, kanë propozuar një program të veçantë për punësimin e të rinjve shqiptarë dhe boshnjakë në polici. Sipas tij, punësimet e deritashme nuk kanë siguruar përfaqësim të barabartë, duke çuar në zvogëlim të ndjeshëm të pjesëmarrjes së komuniteteve jo-serbe në forcat e rendit. “Kemi kërkuar nga Kryeministri i Serbisë të inicojë një program të veçantë që garanton përfaqësim real dhe të drejtë. Ky është parakusht për ekzistencën e një policie multietnike funksionale,” – theksoi Kamberi. Ai kujtoi se në vitin 2001, me ndërmjetësimin e OSBE-së, u krijua një model i suksesshëm i policisë multietnike që solli stabilitet dhe besim te qytetarët. Sipas tij, tani është koha që ky model të rikthehet dhe të forcohet.
