Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i BE-së, Josep Borell ka zbuluar se Kosovës e Serbisë plani franko-gjerman iu ka dorëzuar në pranverë. Opinioni në vendin tonë u njoftua, me disa muaj vonesë nga mediat, kur flitej për një marrëveshje nga Parisi e Berlini. Qeveria Kurti pas “dekonspirimit” me vështirësi e pranoi ekzistencën e planit, ndërsa në tetor u angazhua thellësisht në negociata, duke u dërguar përgjigje e propozime sponsorëve të propozimit. Kryeministri Albin Kurti ka qenë në dijeni qysh para verës për planin franko-gjerman, që tani është tema kryesore në fjalorin politik të vendit e rajonit. Shefi i qeverisë që ka qenë kritik i rreptë i qeverive të kaluara për mungesë trasnparence, gjatë muajve të verës ia ka dalë ta ruaj me lehtësi sekretin. Por, heshtja e thye pas publikimit të lajmit se në Kosovë e Serbi është dorëzuar një plan që synon të normalizojë raportet mes palëve, pa njohje formale të Kosovës nga ana e Serbisë. Tetori ka qenë muaji kur për planin franko gjerman u dhanë më së shumti detaje. Atë e konfirmuan edhe amerikanët edhe europianët duke thënë se një ditë pritet edhe të publikohet në tërësi, pa treguar se kur.
