akp deri me 4 nentor
vipa
Fillimi / Lajmet / Shefi i Grupit arlamentar të LDK-së, Avdullah Hoti kërkon mbështetjen qytetareve për rrëzimin e Qeverisë
Avdullah Hoti kërkon që Serbia që ti vë para drejtësisë autorët e silmit ndaj shqiptarëve në Novi Sad

Shefi i Grupit arlamentar të LDK-së, Avdullah Hoti kërkon mbështetjen qytetareve për rrëzimin e Qeverisë

Shefi i Grupit Parlamentar të LDK-së, Avdullah Hoti, ka vazhduar kritikat ndaj koalicionit qeverisës në vend. Sipas tij, koalicioni qeverisës i, siç e quan ai, “vendimeve të mëdha”, është jo funksional, por mbahet në këmbë sepse interesat e partnerëve janë të mëdha “Këto interesa po realizohen përmes buxhetit të shtetit, i cili është kthyer në plaçkë përmes vendimeve jo ligjore të Qeverisë. Mbledhjet e Qeverisë mbahen për të marrë vendime për realizimin e interesave specifike të partnerëve të koalicionit. Nëse nuk harmonizohen interesat para mbledhjes së Qeverisë, atëherë ministrat e asaj partie nuk marrin pjesë në mbledhje”,  është shprehur Hoti.

Tutje, ai theksoi se partneri i koalicionit nga komuniteti serb nuk e përfill kryeministrin Ramush Haradinaj dhe se Ministrat e këtij partneri nuk marrin pjesë në mbledhje të Qeverisë dhe në Kuvend, por në zyrë shkojnë çdo ditë. “Interesat e tyre po i realizojnë me taksat e qytetarëve të Kosovës”, shtoi Hoti. Më tej shefi i GP të LDK-së, Avdullah Hoti, tha se Kuvendi i Kosovës është bërë arenë përplasjesh të kota. “Menaxhimi katastrofal i seancave dhe trupave të Kuvendit e ka paralizuar këtë institucion. Kuvendi sot nuk e kryen detyrën e vet kushtetuese si mbikëqyrës i punës së Qeverisë. Kryeministri dhe ministrat nuk paraqiten në raportim”, ka deklaruar Hoti.

Madje, Hoti pati kritika edhe për presidentin e vendit, Hashim Thaçi. Ai tha se kreu i shtetit e ka bllokuar Komisionin Qendror të Zgjedhjeve nga data 27 mars 2018, duke mos emëruar anëtarët e rinj siç e parasheh Kushtetuta dhe ligji për zgjedhjet e përgjithshme. Zyrtari i LDK-së ka kërkuar sërish mbështetjen qytetare për të, siç tha ai, “hequr qafe përgjithmonë këtë klasë politike që po vjedh të ardhmen e gjeneratës së ardhshme”. “Qytetarët e Kosovës nuk do ta falin këtë kastë qeverisëse. Na duhet mbështetje e madhe qytetare për të hequr qafe përgjithmonë këtë klasë politike që po vjedh të ardhmen e gjeneratës së ardhshme”,ka  thekuar në fund Hoti.

Kontrolloni gjithashtu

Lutfi Haziri shprehet i bindur që partia e tij asnjëherë më nuk do të hyjë në koalicion me PDK-në

Lutfi Haziri shprehet i bindur që partia e tij asnjëherë më nuk do të hyjë në koalicion me PDK-në

Nënkryetari i LDK-së, Lutfi Haziri, ka folur rreth mundësisë së hyrjes në koalicion me Partinë ...