Shtatorja e Anton Çetës do të vendoset para Institutit Albanologjik

Shtatorja e Anton Çetës do të vendoset para Institutit Albanologjik

Ministri i Kulturës, Kujtim Shala, ka takuar sot një delegacion të Këshillit Organizativ për Pajtimin e Gjaqeve, të udhëhequr nga Dom Lush Gjergji, Mulla Xhevat Kryeziu dhe Riza Krasniqi, me të cilët bisedoi për procedurat rreth vendosjes së Shtatores së Anton Çetës para Institutit Albanologjik. Ministri Shala u shpreh se figura e Anton Çetës është unike dhe si e tillë përfaqëson vlera të jashtëzakonshme për Kosovën dhe identitetin e saj kulturor e shtetëror, vlera këto me të cilat krenohet populli i Kosovës. Më tej ministri  shtoi se kjo shtatore është shenjë e vlerësimit për kontributin e tij të madh për kulturën dhe për humanizmin shqiptar. Ndërmjet ministrit Shala dhe përfaqësuesve të Këshillit u bisedua për procedurat që po zhvillon MKRS-ja për të vendosur këtë shtatore, dhe u pajtuan që sa më parë të vendoset gur-themeli ngase kjo Ministri, në projeksionin buxhetor sivjet ka paraparë 50 mijë euro për këtë projekt.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …