Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, në varrezat e dëshmorëve në Prishtinë, me përkushtim të lartë, përkujtuam e u përulëm para varreve të dy heronjve, Ilir Konushevcit dhe doktorit Hazir Malaj.
…
Biri i Llapit të Kosovës martire, Ilir Konushevci, qe ndër të parët në krye të kolonës së çlirimtarëve, që po çante shtigjet e luftës për liri e po angazhohej fort për bashkimin e forcave atdhetare, si domosdoshmëri e kohës për ta realizuar qëllimin tonë kombëtar, çlirimin e trojeve tona.
Krijimi i frontit të përbashkët të çlirimtarëve, veçse nevojë jetike, ishte shpresë për tërë lëvizjen tonë të armatosur për çlirim, për zhvillimin, shtrirjen dhe fuqizimin e saj, si dhe porosi e qartë që përhapte frikë tek armiqtë e te qarqet që u shërbenin atyre. Prandaj, ata që ishin kundër lirisë së popullit tonë, u hodhën në sulm, e ideuan dhe e zbatuan planin për vrasjen e Ilir Konushevcit – MËRGIMIT dhe të bashkëluftëtarit të tij, dr. Hazir Malaj, në vendin e quajtur Miliskajë, në maloren mbi pendën e hidrocentralit të Fierzës, rrethi Bajram Curr, më 9 maj 1998.
Me përjetësimin e Ilir Konushevcit, dr. Hazir Malaj, Bahri Fazliut e Agron Rrahmanit, ndërmjet datave 7 dhe 12 maj 1998, lëvizja jonë kombëtare çlirimtare mori goditje shumë të rëndë, pesha e humbjes qe shumë e madhe, por mbi këto dhimbje të thella, u ngritën në këmbë me mijëra të tjerë, ngjeshën armët dhe nga krismat e pushkëve të tyre, jehoi fuqishëm në beteja zëri kushtrimtar për bashkim i Ilirit, i Hazirit, i Bahriut, i Agronit e i të rënëve ndër breza dhe thirrja e tyre për të luftuar me vetëmohim deri në çlirimin e plotë të Kosovës dhe të trojeve tona të pushtuara!
Nderime dhe lavdi për jetë e mot veprës së heronjve Ilir Konushevci dhe dr. Hazir Malaj!
