Sami Lushtaku: Fehmi dhe Xhevë Lladrovci ranë duke luftuar për tokën e tyre, për lirinë e popullit dhe për një Kosovë të lirë

22/09/2026 Lajmet

Kryetari i komunës së Skenderajt, z. Sami Lushtaku përmes një postimi në facebook ka përkujtuar në 28-vjetorin e rënies në altarin e lirisë, heroin e kombit, intelektualin, patriotin, bashkëluftëtarin e paepur, Fehmi Lladrovci, heroinën Xhevë Lladrovci dhe luftëtaren Fatime Hetemi.

“Feha ishte burrë i idealeve të mëdha, trim i rrallë dhe vizionar i çështjes kombëtare. Ai nuk u mjaftua vetëm me ëndrrën për liri. Ai ia kushtoi jetën organizimit, sakrificës dhe luftës për ta bërë atë realitet. Pas kthimit nga mërgimi, me angazhim e guxim të rrallë udhëhoqi Brigadën 114 të Zonës së Drenicës, duke qëndruar në ballë të luftës deri në ditën e rënies.

Më 22 shtator 1998, gjatë ofensivës serbe e cila përfshiu pjesën më të madhe të Drenicës, Komandanti Fehmi Lladrovci ra krah për krah me bashkëshorten e tij, heroinën Xhevë Lladrovci, dhe luftëtaren Fatime Hetemi tek pika e Gradinës në Gllanasellë. Ata ranë duke luftuar për tokën e tyre, për lirinë e popullit dhe për një Kosovë të lirë.

Lavdi e përjetshme Fehmi e Xhevë Lladrovcit, Fatime Hetemit dhe të gjithë dëshmorëve që dhanë më të shtrenjtën për lirinë e Kosovës”, ka shkruar kryetari Lushtaku.

Kontrolloni gjithashtu

Ermal Sadiku kritikon Kurtin për vizitën te varrezat e Vëllezërve Bytyqi: “Përçarës, ndalu pak”

Deputeti i Lidhjes Demokratike të Kosovës, Ermal Sadiku, ka reaguar ndaj vizitës së kryeministrit në …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara