Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, sektori publik në Kosovë fillon grevën e përgjithshme, e cila vjen si pasojë e mos arritjes së një marrëveshjeje paraprake në mes të sindikalistëve dhe institucioneve. Marrëveshje me qeverinë ka kërkuar kreu i SBAShK-ut, Rrahman Jashari, i cili tha se pret nga qeveria të reflektojë ndaj kërkesave të tyre, por greva do të nis qysh sot e do të vazhdojë edhe pas 1 shtatorit. “Nëse gjërat ndodhin kështu, dhe Qeveria vazhdon me barikadimin dhe qasjen e gabuar ndaj kërkesave tona, fatkeqësisht po them se greva do të fillojë më 25 gusht dhe do të vazhdojë gjeneralizimin e kërkesave nga çerdhet e deri në universitet. Grevë do të ketë edhe më 1 shtator e tutje, nëse qeveria ka këtë qasje”, ka thënë Jasharaj. Kryeministri Kurti, në konferencë për media tha me këtë rast se nuk është koha për grevë por për punë. Kërcënimi me paralizim të institucioneve dhe shërbimeve publike tash kur Projektligji për pagat është proceduar dhe kushtëzimi me kërkesa shtesë është gabim. Nuk është koha për greva, është koha për punë. Ne duam sindikata jo spektatore, u shpreh Kurti, i cili në kohën kur ishte në opozitë vazhdimisht kishte përkrahur grevat e po këtij Rrahman Jasharit e sindikalistëve të tjerë.
