Sot në pjesën jugore të qytetit të Mitrovicës do të mbahet Marsh Protestues për të kërkuar drejtësi për vdekjen e aktivistit, Astrit Dehari. Marshi fillon nga ora 12:00 te sheshi, te Xhamia “Isa Beg”. Astriti Dehari vdiq më 5 nëntor në Qendrën e Paraburgimit në Prizren, në rrethana të dyshimta dhe të pasqaruara. Ende askush nuk ka dhënë përgjegjësi për vdekjen e tij. Kërkojmë zbardhjen sa më parë të këtij rasti tragjik për shoqërinë, thuhet në një njoftim për medie.
Marshi protestues organizohet nga shoqëria civile me moton:
“Mitrovica kërkon drejtësi për Astritin!”
Marshi protestues mbështet nga:
- Studentët e Universitetit të Mitrovicës “Isa Boletini” dhe ata të UP-së (Dega Mitrovicë)
- “Shoqata e ish të burgosurve politikë”
- “Shoqata minatori 88-89”
- OJQ “Me dore ne zemër”
- SH.H.B. “Nëna Tereza” – Regjioni i Mitrovices
- OJQ “Mundësia”
- Sindikata e minatorëve të Trepçës në “Stan Tërg”
- OJQ “Hendikos”
- Iniciativa “Tjetërqysh”
- Shoqata e shkrimtarëve “Jakup Ceraja” Mitrovicë
- OJQ “Asociacioni për Shoqëri Civile”
- Shoqata për të drejtat e fëmijëve “Fshati i Shpresës”
- PRAM
- Qendra Rinore – Mitrovice
- 7 Arte.