Studentët e Infermierisë të UBT-së ofrojnë shërbime mjekësore falas

Studentët e Infermierisë të UBT-së ofrojnë shërbime mjekësore falas

Fakulteti i Infermierisë në UBT, në kuadër të Ditës Botërore të Hipertensionit, ka organizuar një aktivitet sensibilizues në parkun e Gërmisë, në Prishtinë. Ky aktivitet u organizua nën kujdesin e dekanit të Fakultetit të Infermierisë, Fitim Alidema, si dhe në bashkëpunim me Qendrën Kryesore të Mjekësisë Familjare “Fehmi Agani” në Prishtinë. Me këtë rast, dhjetëra studentë të Fakultetit të Infermierisë të UBT-së, bënë matje të hipertensionit arterial për mbi 100 qytetarë të rastit, që treguan interes për këtë aktivitet. Gjithashtu, studentët u dhanë informacione të detajuara mbi rëndësinë e një ushqyerje korrekte, të aktivitetit fizik dhe mbajtjes së kontakteve të rregullta me mjekun e familjes dhe mjekun specialist. Në këtë aktivitet, po ashtu u shpërndanë për qytetarët edhe broshura informuese. Kjo nuk është hera e parë që Fakulteti i Infermierisë në UBT po organizon aktivitete senzibilizuese për shëndetin e njeriut. Studentët e këtij fakulteti në vazhdimësi po ofrojnë shërbime senzibilizuese për një jetë të shëndetshme.

 

Kontrolloni gjithashtu

Rexhep Selimi

Mbrojtja e Rexhep Selimit, ka kërkuar lirimin e tij nga paraburgimi deri në 30 ditë para fillimit të gjykimit

Në përgjigje ndaj kërkesës së Zyrës së Prokurorit të Gjykatës Speciale, avokati i  Rexhep Selimit, …