Studentët e Universitetit të Prishtinës, para qeverisë së Kosovës, kanë mbajtur aksion simbolik lidhur me raportet e Kosovës me Shtetet e Bashkuara të Amerikës. Bekim Ibishi, student, është shprehur se me anë të këtij aksioni i bëjnë thirrje Qeverisë së Kosovës që të mos i cenojë marrëdhëniet me ShBA-në. Ai u shpreh se studentët janë të shqetësuar me deklarimet gjatë ditës së mërkurë të zyrtarëve amerikanë për tërheqje të trupave dhe saksioneve ndaj shtetit të Kosovës. Ibishi u shpreh po ashtu se nuk janë pjesë e ndonjë partie opozitare apo partie tjetër, por kanë dalë për të protestuar si studentë në mënyrë që të mos cenohet e ardhmja e vendit dhe e qytetarëve tanë. Studentët në rrethojat e objektit të Qeverisë kanë vendosur flamuj amerikanë.
Kontrolloni gjithashtu
Wisner: Është shqetësuese të shohësh sulmet që kemi parë, ato nuk kanë vend këtu, nuk është mirë që shqiptarët të shohin këtë gjë
I ngarkuari me punë i Shteteve të Bashkuara në Tiranë, David Wisner, në një intervistë …