Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ditën e hënën në ora 11:00 studentët e Universitetit të Prishtinës “Hasan Prishtina” do të protestojnë para Qeverisë së Kosovës kundër politizimit të sistemit të arsimit. Kjo gjë është bërë e ditur me anë të një komunikate nga organizata “Paqja Studentore”.
“Agjencia e Kosovës për Akreditim është përjashtuar të martën nga EQAR (Komiteti i Regjistrit për Sigurimin e Cilësisë në Arsimin e Lartë) për shkak të ndërhyrjeve politike në arsim. Pasojat e këtij përjashtimi janë goditje e madhe e madhe për studentët e arsimit të lartë në Kosovë. Diploma e tyre nuk do të njihet në shtetet e Bashkimit Evropian dhe ata do ta humbin të drejtën e studimit nëpër këto shtete. Shumë prej studentëve nga Universiteti i Prishtinës dhe universitete tjera i vazhdojnë studimet në universitetet prestigjioze të Evropës, e që kjo mundësi tani është në pikëpyetje. Veprimet politike dhe korruptive të qeverive në zgjedhjen e bordeve nëpër institucione ka bërë që gjendja e arsimit në Kosovë të jetë e mjerueshme. Për këtë arsye “Paqja Studentore e Universitetit të Prishtinës” ka organizuar të hënën protestë për të thirrur në depolitizimin e arsimit në Kosovë. Protesta mbahet ditën e hënë (5 mars 2018) nga ora 11:00, para Qeverisë së Kosovës. Ju bëjmë thirrje të gjithë studentëve të Universitetit e Prishtinës të na bashkëngjiten në protestën tonë paqësore, për t’i mbrojtur interesat tona themelore”, thuhet në njoftim.
