Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gazeta britanike ‘The Telegraph’ i ka kushtuar një artikull analitik procesit të liberalizimit të vizave për qytetarët e Turqisë, Ukrainës, Gjeorgjisë dhe Kosovës. Në agjendën e mbledhjes së Komisionit Evropian, tema kryesore do të jetë rekomandimi për liberalizimin e vizave për 75 milionë qytetarë të Turqisë si pjesë e marrëveshjes mes BE-së dhe Ankarasë. Marrë në tërësi, numri i qytetarëve që do të përfitojnë nga një vendim i mundshëm për heqjen e regjimit të vizave , do të jetë 127 milionë. Qytetarët e këtyre shteteve mund të qëndrojnë në zonën Shengen, ku nuk përfshihet Britania e madhe, për 90 ditë si vizitë turistike ose 180 ditë për biznes. Gazeta britanike shkruan se Bashkimi Evropian mund ta suspendojë liberalizimin e vizave nëse tejkalohet numri i atyre që kërkojnë azil në vendet e zonës Shengen. ‘The Telegraph” në vazhdim të artikullit ankohet se BE nuk ka një sistem që identifikon nëse qytetarët e këtyre vendeve e tejkalojnë qëndrimin e tyre në zonën Shengen.
