Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ushtria izraelite ka goditur disa objektiva në Rripin e Gazës. Njoftohet se sulmi është urdhëruar nga ministri i Mbrojtjes së Izraelit, Ben Gantz. Objektiv i sulmeve është organizata e Xhihadit Islamik, PIJ, forca e dytë më e madhe ushtarake pas Hamasit. Nga ana tjetër, militantët palestinezë kanë reaguar me goditje masive me raketa. Ministria e Shëndetësisë së Palesitën njofton se që nga fillimi i sulmeve ajrore izraelite të premten kanë humbur jetën 29 vetë, ndërkohë që të paktën 215 vetë janë plagosur. Të premten ushtria izraelite filloi aksionin e zgjeruar ushtarak “Agimi” kundër Xhihadit islamik. Gjatë këtij aksioni u vra kreu ushtarak i Xhihadit islamik, Taisir al-Xhabari dhe anëtarë të tjerë të organizatës. Ka shqetësime se gjendja mund të përshkallëzohet edhe më shumë gjatë ditës së sotme.
