Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një helikopter turk i tipit “Black Hawk” pasi ka hyrë në zonën ajrore të Greqisë ka kërkuar leje për ulje dhe është ulur i shoqëruar nga avionë ushtarakë grekë F-16 në qytetin e Aleksandrupolit në lindje të vendit, pranë kufirit greko-turk. Në bordin e tij ndodheshin tetë persona, prej të cilëve shtatë ushtarakë dhe një civil. Ende nuk ka të dhëna se për çfarë ushtarakësh turq bëhet fjalë pasi më parë ata kanë hequr gradat nga rrobat e tyre dhe nuk përjashtohet që të jenë anëtarë të Forcave Ushtarake turke që morën pjesë në tentativën e grushtit të shtetit. Pasi është ulur helikopteri i tyre, ata janë shoqëruar në rajonin e policisë, ku kanë bërë kërkesën për azil politik. Sipas Shtabit të Forcave ushtarake greke po bëhen të gjitha procedurat për rikthimin e helikopterit në Turqi. Ndërkohë, ministri i Jashtëm turk, Çavushoglou ka kërkuar nga homologu i tij grek Nikos Kocais dorëzimin e menjëhershëm të tetë personave. (TCH)
