Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i vendit, Hashim Thaçi ka përkujtuar 2 korrikun, ditën kur para 26 vitesh delegatët e Kuvendit të Kosovës shpallën Deklaratën Kushtetuese. Në një postim në llogarinë e tij në Facebook, kryetari Thaçi ka vlerësuar se me anë të kësaj deklarate u shpreh vullneti i qytetarëve të Kosovës për shkëputje nga Serbia. “Në kohën kur filloi shpërbërja e federatës jugosllave, nga ambiciet hegjemoniste të diktatorit Millosheviq, një ndër veprimet më të rëndësishme politike të delegatëve të Kuvendit të Kosovës më 2 korrik 1990 ishte shpallja publike e Deklaratës Kushtetuese. Përmes kësaj Deklarate shprehej vullneti i qytetarëve të Kosovës për avancimin e të drejtave deri në nivel të Republikës dhe të shkëputjes nga Serbia. Duke kujtuar 26 vjetorin e këtij akti të rëndësishëm, shprehim konsideratë të lartë për delegatët e asaj kohe”, thuhet në shkrimin e kryetarit, Hashim Thaçi.
