Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe pse ende nuk është konfirmuar zyrtarisht, fitorja e mundshme e kandidatit republikan Donald Trump në krye të Sheteve të Bashkuara të Amerikës, ka bërë që tregjet globale të aksioneve dhe dollari amerikan të kenë pësuar në rënie të lirë. Aksionet e Tokios kanë rënë për gati 5 për qind më 9 nëntor, ndërsa indekset e Hong Kongut dhe Seulit për 3.3 për qind, 2.8 për qind, bën të ditur Radio-Evropa e Lirë. Indeksi Wall Street, ndërkaq, ka rënë për 3 për qind. Dollari amerikan po ashtu ka rënë kundrejt jenit dhe euros. Çmimet e naftës gjithashtu kanë rënë për më shumë se 4 përqind, në 43.17 dollarë për fuçi. Shumica e tregjeve kanë favorizuar kandidaten demokrate, Hillary Clinton, përballë Trumpit, pasi investitorët i kanë parë politikat e saj si vazhdim i “status quo”-së që ka krijuar presidenti Barack Obama.
