Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Armata e Turqisë ka kryer sulme në veri të Sirisë kundër qendrave komanduese që kontrollohen nga ushtria siriane dhe forcat kurde, duke vrarë tre persona. Këto sulme të kryera pranë qytetit kufitar Kobane, që udhëhiqet nga kurdët, duke shënjestuar pozicionet e ushtrisë siriane dhe të Forcave Demokratike Siriane, tha Vëzhguesi Sirian për të Drejtat e Njeriut. Sipas kësaj organizate, tri viktimat ishin të veshur me uniformë të ushtrisë siriane. Disa ushtarë të tjerë po ashtu janë plagosur, disa në gjendje kritike, tha Vëzhguesi. Muajin e kaluar, Qeveria siriane tha se do t’i përgjigjej me sulme të drejtpërdrejta nëse Turqia sulmon forcat e saj. Ky paralajmërim pasoi pasi Turqia kreu një sulm në Kobane, duke vrarë tre ushtarë sirianë në muajin gusht.
