U mbajt debati publik për raportin e VNM për ndërtimin e nënstacionit energjetik 220 kV për Malishevën

07/02/2024 Institucionet

Sot në sallën e mbledhjeve të kuvendit komunal të Malishevës, është mbajtur debat publik për raportin e vlerësimit të ndikimit në mjedis (VNM) për ndërtimin e nënstacionit energjetik për nevoja të komunës së Malishevës. Raporti i VNM është realizuar nga eksperti i fushës, Pëllumb Gjinolli, i cili edhe e ka prezantuar këtë raport, para pjesëmarrësve në këtë debat publik, për ndikimet e mundshme në mjedis, edhe pse natyra e projektit është e tillë që mundësitë e ndikimit në mjedis janë të pakta. Për rëndësinë e realizimit të këtij projekti, ka folur përfaqësuesi i KOSTT-it, Astrit Sadriu. Në këtë debat, edhe drejtori i drejtorisë së urbanizmit në komunën e Malishevës, Avdi Morina, ka folur për rëndësinë dhe nevojën emergjente që ka Malisheva, për ndërtimin e këtij nënstacioni, ndërsa tërë situatën aktuale të furnizimit me energji elektrike e ka quajtur të jashtëzakonshme dhe me ndikim të madh për zhvillim ekonomik, pasi mungesa e energjisë elektrike, po ndikon drejtpërdrejt edhe në investime, në bizneset dhe në ekonomitë familjare. Drejtori Morina, ka kërkuar nga organet përgjegjëse, që procedurat të përshpejtohen dhe i tërë projekti të kryhet në afat rekord, duke filluar nga dhënia e lejes mjedisore, e deri në realizimin e tërësishëm të projektit me rëndësi jetike për Malishevën dhe qytetarët e saj. Të pranishmit, gjithashtu kanë bërë pyetje rreth raportit të vlerësimit të ndikimit në mjedis dhe kanë marrë përgjigjet nga hartuesi i këtij raporti.

 

Kontrolloni gjithashtu

Në komunën e Rahovecit mbahet tryeza e diskutimit “Ora e gjelbër”, e organizuar nga SHL Kosova

Shefi i Kabinetit të Kryetarit të komunës së Rahovecit, z. Ali Morina, i shoqëruar nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara