U mbajt diskutim publik me kryetarët e këshillave të fshatrave të komunës së Vitisë

15/01/2021 Institucionet

Është mbajtur diskutimi publik, me kryetarët e këshillave të fshatrave të komunës së Vitisë, lidhur me propozim rregulloren për organizimin dhe bashkëpunimin e komunës me fshatrat, vendbanimet dhe lagjet urbane të komunës së Vitisë. Zyrtari komunal nga zyra ligjore Burim Sadiku, bëri të ditur se kjo rregullore ka për qëllim organizimin dhe bashkëpunimin e komunës së Vitisë me fshatrat, lagjet e vendbanimet, themelimin e këshillave lokale, kompetencat dhe përgjegjësit e tyre. Përfaqësuesit e fshatrave, prezent në këtë takim, paraqitën vërejtje dhe i dhanë sugjerimet e tyre rreth harmonizimit të kësaj propozim rregulloreje, ndër të cilat edhe ajo që parashihet të bëhet kompensimi për 6 mbledhje brenda vitit, e që shuma e përcaktuar u kritikua nga ata. Gjithashtu u kërkua që të fuqizohet roli i këshillave të fshatrave, respektivisht kryetarit të këshillit, për marrje të masave për ata anëtar të cilët nuk vijnë në takime për disa mbledhje me radhë, në mënyrë që të zëvendësohen.

Kontrolloni gjithashtu

Filloi edhe një projekt i ri rrugor në komunën e Skenderajt

Filloi edhe një projekt i ri rrugor në komunën e Skenderajt, shumë i rëndësishëm për …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara