U mbajt Konferenca përmbyllëse e Projektit “Be Clean, Be Green”

22/04/2026 Institucionet

Në kuadër të 22 Prillit – Ditës Ndërkombëtare të Tokës, në Komunën e Rahovecit u mbajt Konferenca përmbyllëse e projektit “Be Clean, Be Green”, një nismë që përfaqëson angazhimin e vazhdueshëm për një mjedis më të pastër dhe më të qëndrueshëm.

Në këtë ngjarje të rëndësishme u mirëpritën kryetari i Komunës së Haraçinës nga Maqedonia e Veriut, z. Daut Beqiri me bashkëpunëtorët e tij, si dhe përfaqësues të organizatave partnere, drejtorë shkollash, OJQ, qytetarë dhe zyrtarë komunalë.

Gjatë konferencës u prezantua rrugëtimi i projektit dhe rezultatet konkrete të arritura. Ndër përfitimet kryesore është ndërtimi i 6 gropave septike në 6 vendbanime, një investim me ndikim të drejtpërdrejtë në mbrojtjen e mjedisit dhe përmirësimin e cilësisë së jetës për qytetarët.

Një tjetër arritje e rëndësishme është digjitalizimi i raportimit të ndotjes. Qytetarët tani mund të raportojnë ndotjen e mjedisit përmes aplikacionit “Be Clean, Be Green”, i disponueshëm në:

📱 iOS: https://apps.apple.com/xk/app/be-clean-be-green/id6752567901

📱 Android: https://play.google.com/store/apps/details…

Kryetari i komunës së Rahovecit, z. Smajl Latifi në fjalën e tij tha se ky projekt, i mbështetur nga Bashkimi Evropian përmes fondeve IPA II, dëshmon se bashkëpunimi dhe përkushtimi sjellin rezultate të qëndrueshme për të ardhmen. Do të vazhdojmë me përkushtim të punojmë për një Rahovec më të pastër, më të gjelbër dhe më të jetueshëm për të gjithë.

Kontrolloni gjithashtu

U përkujtua dëshmori i kombit, Kadri Kuliqi nga Abria e Poshtme

U përkujtua me nderim dhe respekt të thellë dëshmori i kombit, Kadri Kuliqi nga Abria …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara