U mbajt mbledhja e gjashtë e Këshillit Komunal për Siguri në Bashkësi në Rahovec

10/12/2020 Institucionet

Në sallën e mbledhjeve të Kuvendit Komunal të Rahovecit, në respektim të masave të pandemisë Covid-19, është mbajtur mbledhja e gjashtë e rregullt e Këshillit Komunal për Siguri në Bashkësi (KKSB), në komunën e Rahovecit, situata u vlerësua si e qetë dhe stabile. Hapja e mbledhjes është bërë nga kryetari i komunës së Rahovecit Smajl Latifi dhe kryesues i KKSB-së. Për pikën e parë, Informatë për periudhën tetor-nëntor rreth menaxhimit të situatës së krijuar nga Covid-19 nga komuna e Rahovecit, kryetari Latifi ka thënë se, aktualisht gjendja me virusin Covid-19 në komunën e Rahovecit është kjo: Kemi 287 të shëruar, 110 raste aktive, 45 me fatalitet, ndërsa prej fillimit e deri më sot gjithsej janë 442 raste të infektuar me virusin Covid-19. Po vazhdon dezinfektimi i objekteve shëndetësore dhe objekteve të shkollave. Jemi në përcjellje aktive të situatës dhe të gjithë bashkë ti zbatojmë dhe respektojmë masat dhe rekomandimet sipas IKSHP-ës”, ka thënë kryetari Latifi. Ndërsa për pikën dy, Vlerësimi i përgjithshëm i gjendjes së sigurisë në territorin e komunës së Rahovecit, kryetari Latifi, ka thënë se duke u bazuar në të dhënat zyrtare që posedon, situata e sigurisë në gjithë territorin e komunës së Rahovecit është e qetë dhe stabile. Fazli Morina, komandant i stacionit Policisë në Rahovec, ka raportuar për situatën e sigurisë për periudhën tetor-nëntor, duke thënë se situata e përgjithshme e sigurisë në gjithë territorin e komunës së Rahovecit, është e qetë dhe stabile, si stacion i policisë kemi vazhduar të punojmë bazuar në planet operative. Gjatë kësaj mbledhje është shqyrtuar dhe aprovuar edhe plani i punës së Këshillit Komunal për Siguri në Bashkësi për vitin 2021.

Kontrolloni gjithashtu

Kryetari Kastrati uron punëtorët me rastin e 1 Majit, Ditës Ndërkombëtare të Punës

Kryetari i komunës së Malishevës Ekrem Kastrati uron punëtorët me rastin e 1 Majit, Ditës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara