Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri për Evropën dhe Punë të Jashtme në Qeverinë e Shqipërisë, Gent Cakaj ka vlerësuar lartë fjalimin e presidentit të Komitetit për Punë të Jashtme të Dhomës së Përfaqësuesve amerikan, Eliot Engel, duke thënë se ai shprehu fare qartë, jo vetëm thirrjen që Serbia të pajtohet me realitetin e ri në Ballkan, duke njohur Republikën e Kosovës, por edhe absurditetin e plotë të pengimit të anëtarësimit në organizata ndërkombëtare. Cakaj duke iu referuar fjalimit të fundit të kongresistit mbi Ballkanin, ka shkruar se derisa ai është i qartë në rëndësinë e vënies së drejtësisë për këdo që ka kryer krime, ai po ashtu thekson se Serbia pothuajse s’ka bërë asgjë në ndëshkimin e krimeve të luftës, duke përmendur veçanërisht rastin e vëllezërve Bytyqi, raporton “Epoka e re”. Kongresmeni Engel ka qenë dhe është një prej zërave më të vyer, mbështetësve më të mëdhenj dhe personave më të angazhuar për pavarësinë e Republikës së Kosovës, për tre dekada radhazi. Për këtë, ai meriton falënderime të pamata e mirënjohje të pafundme”, ka shkruar Cakaj.
