U mbajt mbledhje komemorative për jetën dhe veprën e ish Kryetarin të Kuvendit të Komunës së Rahovecit, Esat Haxhijaha

21/01/2020 Institucionet

Në sallën e Kuvendit Komunal të Rahovecit, në prani të kryetarit, Smajl Latifi, kryesuesi i kuvendit Afrim Dina, familjar, deputet të kuvendit të Kosovës, drejtor të drejtorive komunale, kuvendar dhe qytetarë, është mbajtur mbledhje komemorative me rastin e vdekjes së ish Kryetarin të Kuvendit të Komunës së Rahovecit, Esat Haxhijaha. Afrim Dina, kryesues i Kuvendit Komunal tha se me hidhërim të thellë pritëm lajmin e vdekjes së më të dashurit tuaj, ju humbët një baba, vëlla, gjysh, por edhe ne humbëm një profesor të shkëlqyer i cili gëzon një respekt nga të gjithë, prijës i mençur, intelektual i mirëfilltë ashtu siç ishte i ndieri Esat Haxhijaha. “Ishte kryetar i Kuvendit të Komunës së Rahovecit ne vitet 2000-2007, vite këto që ai barti mbi supe përgjegjësi dhe kreu shumë detyra në shërbim të komunës e popullit të kësaj treve. Në cilësinë time publike mund të them vetëm fjalë miradie për të. Ai ishte i gatshëm të trajtoj me shumë kujdes interesat e komunitetit që përfaqësonte, të trajtoj me vëmendjen e duhur interesin publik dhe të jetë i gatshëm të ndërhyjë për të ndërmjetësuar për rregullim e punëve në skenën shoqërore e politike. Ai do të mbahet gjatë në mend për kontributin e tij në zhvillimin dhe përparimin e komunës së Rahovecit, arsimimin dhe edukimin e brezave si dhe një sportist i zoti i kohës së tij.  Komuna jonë dhe qytetarët tanë sot dhe në të ardhmen shprehin vlerësimin, mirënjohjen dhe respektin më të lartë ndaj Esad Haxhijaha. Në këtë moment dhembjeje e pikëllimi, në këtë mbledhje komemorative me rastin e vdekjes së Esad Haxhijahës, në emër të të gjithë qytetarëve të komunës së Rahovecit dhe në emër timin, familjes Haxhijaha, farefisit, miqve dhe bashkëpunëtorëve, ju shpreh ngushëllimet më të sinqerta. Qoftë i përjetshëm kujtimi për shokun, bashkëluftëtarin, mikun e kolegun e nderuar, Esad Haxhijaha”, tha në fjalimin e tij kryetari Latifi. Në emër të familjes foli Jeton Haxhijaha, i cili u shpreh falënderues për mbajtjen e mbledhjes komemorative, në nderim të jetës dhe veprës së babit të tij, duke thënë se me këtë na lehtësuat dhimbjen që kemi për tani më ish prindin tonë dhe bashkëpunëtorin tuaj.

Kontrolloni gjithashtu

Kryetari Latifi nënshkroi kontratat me tre praktikantë nga skema praktike në punë

Sot, kryetari i komunës së Rahovecit z. Smajl Latifi nënshkroi kontratat me tre praktikantë nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara