U përkujtuan dëshmorët Skender Rexhepi dhe Fitim Duraku

22/01/2018 Institucionet

Në 19-të vjetorin e rënies heroike të dëshmorëve të kombit Skender Rexhepi-Hekuri nga fshati Mrasori dhe Fitim Duraku-Fita nga fshati Krushë e Madhe të Komunës së Rahovecit, me datë 21 Janar u mbajt tubim përkujtimor dhe u bënë homazhe tek varrezat e dëshmorëve në Krushë të Madhe dhe te lapidarit të dëshmorëve në fshatin Fortesë. Në nderime, homazhe dhe tubim përkujtimor, kanë marrë pjesë Smajl Latifi, Kryetar i Komunës së Rahovecit me bashkëpunëtor, familjar, bashkëluftëtar të dëshmorëve, përfaqësues të OVL e UÇK-së dega në Rahovec si dhe qytetar të shumtë. Kryetari i Komunës së Rahovecit, Smajl Latifi, në fjalimin e mbajtur ka thënë se sot po i nderojmë dëshmorët e kombit Skënder Rexhepi dhe Fitim Duraku, në 19-vjetorin e rënies së tyre. Shëmbëlltyra e tyre do t’ju shërbejë shumë gjeneratave. Lufta dhe rënia e tyre janë dëshmi se luftëtarët e UÇK-së e deshën lirinë më shumë se gjithçka tjetër në këtë botë. Rënia në krye të detyrës, duke hyrë thellë në territorin e pushtuar nga armiku, flet për gatishmërinë dhe guximin e tyre dhe kjo duhet vlerësuar lartë. Prandaj, do të kujtohen dhe nderohen për këtë sakrificë madhore.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara