Uji i qytetit të Klinës i plotëson gjitha standardet e kërkuara për pije

12/09/2017 Institucionet

Bazuar në analizat e Institutit të Shëndetësisë Publike të Kosovës, uji i burimit të qytetit të Klinës i plotëson të gjitha standardet e kërkuara dhe është i pijshëm. Kjo duke u bazuar në analizat që ka kryer ISHPK-ja në disa burime të qytetit të Klinës në periudhën janar-korrik 2017. Kjo konfirmohet edhe nga Halil Berisha, menaxher i Njësisë ” Hidrodrini” në Klinë i cili i posedon analizat e ujit të Klinës të kryera nga ISHPK-ja. ISHPK-ja ka marrë mostrat e ujit në 5 burime: në hyrje të qytetit të Klinës në lagjen ” Arbëria”, të objekti i Njësisë Operative ” Hidrodrini”, të burimi i Shkollës së Mesme ” Luigj Gurakuqi” , të Kisha Katolike dhe të Stacioni i trenit. ” Rezultatet pas mostrave të marra rezultojnë se uji i qytetit të Klinës i plotëson gjitha standardet e kërkuara dhe mund të përdorët për pije. Baktereologjikisht dhe kimikisht uji është i pastër”, konfirmon Halil Berisha duke u thirrur në analizat e ISHPK-së. Origjinali i analizave ekziston të ISHPK-ja dhe Kompania ” Hidrodrini”. Instituti i Shëndetësisë Publike të Kosovës është organi i vetëm përgjegjës për kryerjen e analizave të ujit në Kosovë. Rezultatet e ISHPK-së hedhin poshtë zërat e gjithë atyre të cilët dezinformojnë së uji i qytetit të Klinës nuk është i pijshëm më qëllimin për të zhvlerësuar investimet e pushtetit lokal në Klinë.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara