Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në ndërtesë e Qeverisë projektohet figura e Dinos me mesazhin: Mos zgjidh shfarosjen
Programi i Kombeve të Bashkuara për Zhvillim (UNDP) në Kosovë së bashku me Zyrën e Kryeministrit projektuan një siluetë dinosauri në ndërtesën e Qeverisë mbrëmjen e kaluar për të shënuar fundin e samitit global të klimës COP26 në Glasgow dhe në mbështetje të fushatës globale të UNDP-së për ndryshimet klimatike.
Në prani të SH.T. Nicholas Abbott, ambasador i Mbretërisë së Bashkuar në Kosovë, SH.S. Karin Hernmarck, ambasadore e Suedisë në Kosovë, z. Lulzim Baumann, Këshilltar i jashtëm për çështje mjedisore në Ministrinë e Mjedisit, Planifikimit Hapësinor dhe Infrastrukturës, znj. Ulrika Richardson, Koordinatore e OKB-së për Zhvillim, znj. Maria Suokko, Përfaqësuese e Përhershme e UNDP-së dhe pjesëmarrës të tjerë, ndërtesa u ndriçua me figurën e Dinos për të rritur ndërgjegjësimin e publikut për urgjencën për t’u larguar nga përdorimi i lëndëve djegëse fosile dhe kalimin në energji më të pastër.
“Po projektojmë Dino-n në Prishtinë për të shënuar fundin e samitit global të klimës, COP26. Dinosauri Frankie është figura kryesore e fushatës globale të UNDP-së për klimën. Miku ynë që ka jetuar para 66 milionë vjetësh ka një mesazh të fuqishëm për ne. Ai u zhduk për shkak të një asteroidi. Ai na pyet pse jemi duke shkuar drejt shfarosjes. Ne jemi duke u përballur me një krizë klimatike – por ende mund të shmangim ndikimet më të këqija të ndryshimit të klimës duke punuar së bashku dhe duke rritur veprimet për klimën. Përmes kësaj fushate, UNDP inkurajon reformën e subvencioneve të karburanteve fosile si një hap vendimtar në luftimin e krizës klimatike dhe lëvizjen drejt një rikuperimi gjithëpërfshirës dhe të gjelbër nga COVID-19”, tha znj. Suokko.
Frankie Dino, tipari kryesor i fushatës, është kryprotagonist në një video të shkurtër duke dërguar një mesazh që duhet të veprojmë tani – përpara se kërcënimi i shfarosjes së njerëzimit të bëhet realitet. Në vijim lidhjet e videos në tri gjuhët:
Shqip: https://youtu.be/VZYMNW1mvzg
Serbisht: https://youtu.be/mHLtUgpUM6U
Anglisht: https://youtu.be/rTQ25QVVbCM
Për informata më të detajuara rrreth fushatës “Mos Zgjidh Shfarosjen” vizitoni faqen: www.dontchooseextinction.com
