Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefja e Grupit Parlamentar të Nismës për Kosovën, Valdete Bajrami, ka kërkuar dorëheqjen e menjëherë të ministres së Drejtësisë, Dhurata Hoxha dhe ministrit të Brendshëm, Skënder Hyseni. Ajo tha se kjo dorëheqje është dashur të vinte pa ua kërkuar askush. Deputeti i Nismës, Enver Hoti, sot në Kuvendin e Kosovës ka thënë së organet shtetërore nuk mund ta heqin përgjegjësinë për vdekjen e Astrit Deahrit në Qendrën e Paraburgimit në Prizren. Sot jemi këtu për ta trajtuar një çështje që është shumë e dhimbshme. S’ka asnjë dilemë se ai ishte në duart e shtetit dhe shteti s’mund ta heqë këtë përgjegjësi. Ai është akuzuar me një aktakuzë të rëndë dhe ne kemi pritur që ministrja e Drejtësisë të thotë diçka tjetër e jo retorikë politike. Me e pakta që është dashur të ndodhë është që Dhurata Hoxha dhe Skënder Hyseni të japin dorëheqje, ka thënë Hoti në seancën e jashtëzakonshme për rastin e Astrit Deharit.
