MIT KS
Fillimi / Lajmet / Vdiq arkipeshkvi i Dioqezës së Durrësit dhe Tiranës, Rrok Mirdita

Vdiq arkipeshkvi i Dioqezës së Durrësit dhe Tiranës, Rrok Mirdita

Arkipeshkvi i Dioqezës së Durrësit dhe Tiranës, Rrok Mirdita, u nda nga jeta sot në mesditë në Qendrën Spitalore Universitare “Nënë Tereza”, pas një hemoragjie cerebrale. Shëndeti i arkipeshkvit 76 vjeçar u përkeqësua papritur të premten e kaluar. Disa vite më parë ai u kurua nga zemra, por vazhdoi me përkushtim detyrat e tij fetare. Ai u emërua në krye të kishës katolike shqiptare në fillim të viteve 90-ta pas shumë vite shërbimi në SHBA pranë bashkësive shqiptare. Papa Gjon Pali i Dytë, gjatë vizitës në Shqipëri në vitin 1993 e shuguroi Imzot Rrokun ipeshkëv së bashku me ipeshkëv të tjerë. Për shumë vite Imzot Rroku kryesoi konferencën ipeshkvnore të Shqipërisë dhe drejtoi rimëkëmbjen e besimit fetar kristian pas gjysmë shekulli diktaturë komuniste. Ai organizoi besimtarët dhe duke ngritur katedralen e Shën Palit në Tiranë, kisha të reja dhe rindërtuar kishat historike të mbyllura dhe të dëmtuar nga regjimi komunist.

Kontrolloni gjithashtu

Deliu-Kodra: Një qeveri e cila nuk ka legjitimitet vështirë që mund ta lëvizë agjendën integruese të vendit

Blerta Deliu-Kodra: Një qeveri e cila nuk ka legjitimitet nuk mund ta lëvizë agjendën integruese të vendit

Deputetja nga radhët e Partisë Demokratike të Kosovës, Blerta Deliu-Kodra, pas përfundimit të mbledhjes së ...