Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeparlamentari Kadri Veseli ka përkujtuar protestat studentore të para 19 viteve. Ata ishin paralajmëruesit e luftës çlirimtare të UÇK’së. Protestat studentore lajmëruan botën se shqiptarët nuk e durojnë robërinë dhe shkeljen e të drejtave të njeriut. Ato protesta kanë qenë një ndër faqet më të ndritura të historisë së Universitetit të Prishtinës, institucion ky që ka shërbyer jo vetëm si një qendër e dijes dhe shkencës por edhe si një ndër bastionet kryesore të atdhedashurisë dhe luftës për liri. Unë jam i bindur se trimëria, idealizmi dhe sakrifica e gjeneratës së pedagogëve dhe studentëve të asaj kohe, do të vlejë si model patriotizmi dhe burim frymëzimi për gjithë gjeneratat e ardhshme të rinisë sonë, ka shkruar ndër të tjera kryeparlamentari Veseli.
