Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Veteranët e luftës në Kroaci sot kanë kërkuar nga Qeveria dhe diplomacia kroate që të pengojnë hapjen e kapitujve 23 dhe 24 për anëtarësimin e Serbisë në Bashkimin Evropian. Gjatë një konference për medie, ata paralajmëruan qeverinë kroate se hapja e bisedimeve për anëtarësimin e Serbisë nuk mund të jetë e suksesshme nëse nuk përfillen kërkesat kroate drejtuar Beogradit. Përfaqësuesi i Bashkësisë Demokratike Kroate (HDZ), Shoqatës së Veteranëve dhe Invalidëve të Luftës, Joseph Gjakiq ka porositur se dëshiron të paralajmërojnë administratën publike se përmes negociatave i kanë mundësuar Serbisë të drejtën të hapë dy kapituj, edhe pse më parë kishin paralajmëruar për “provokime nga ana e Serbisë, për mos tërheqjen e tyre të ligjit për juridiksionin rajonal”. “Bllokada tre mujore ishte e pamjaftueshme që të kuptojnë se çfarë kanë bërë. Këto pesë kritere, nga të cilat 50 janë në letër, duhet të plotësohen. Përndryshe, ne do të thërrasim diplomacinë tonë me emrin e vërtetë”, ka thënë më tej Gjakiç. Ndërkaq, Gjuro Glogoshki nga Shoqata e Invalidëve të 100-përqindshëm të veteranëve të luftës, tha se të gjithë mbështesin mos hapjen e kapitujve në fjalë për Serbinë.
