Ndonëse janë bërë më shumë se tre muaj prej kur janë mbajtur zgjedhjet nacionale të jashtëzakonshme. E dy partitë që po synojnë formimin e institucioneve, ende nuk janë dakorduar për një marrëveshje. Në tri takimet që u mbajtën javën e kaluar, Lëvizja Vetëvendosje e Lidhja Demokratike e Kosovës, dështuan të arrijnë marrëveshjen për bashkëqeverisje. Krerët e këtyre dy partive, Albin Kurti dhe Isa Mustafa nuk kanë caktuar ende asnjë takim. Të paktën kështu ka thënë për KosovaPress, zyrtari për media në Lëvizjen Vetëvendosje, Arlind Manxhuka. Gjatë këtyre ditëve është raportuar që LDK po kërkon të kthehet te oferta fillestare, duke kërkuar pesë ministri, kryekuvendarin dhe zotimin për kryetar t% vendit. Lëvizja Vetëvendosje ka shprehur gatishmëri t’i japë LDK-së një ministri më shumë por jo edhe pozitën e kreut të Kuvendit të Kosovës. Pozitë kjo të cilën po e mban Glauk Konjufca.
Kontrolloni gjithashtu
Ramush Haradinaj: Mospërfshirja e Kosovës në votimin e Këshillit të Ministrave, një dështim i madh
Kryetari i AAK-së, Ramush Haradinaj, ka kritikuar ashpër kryeministrim Albin Kurti lidhur me mospërfshirjen e …