Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja Vetëvendosje ka mbështetur dy protesta që do të zhvillohen sot në Shqipëri, njëra në Ballsh e tjetra në Zall-Gjoçaj e që të dyja fillojnë në orën 10:00. Përmes një njoftimi për media, Vetëvendosje thotë se protestat organizohen sepse në thelb ka ndodhur vjedhja e pasurive natyrore të Shqipërisë. Në Ballsh protesta vjen pas një greve urie që nisi fillimisht para 10 ditëve në Poçem, nga 17 punëtorë të stacionit të elektropompimit, dhe më tej, para 6 ditëve, në grevë u futën edhe 10 punëtorë të rafinerisë së përpunimit të naftës në Ballsh. Aty punojnë rreth 900 punëtorë dhe se rrogat nuk i kanë marrë prej disa muajsh. Disa prej grevistëve janë shtruar tashmë në spital për shkak të përkeqësimit të gjendjes shëndetësore. Prej disa javësh banorët po protestojnë në këto zona, ndërsa Vetëvendosje thotë se do t’i mbështesë ato.
