Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Serbisë, Aleksandër Vuçiq, me deklaratat e tij hegjemoniste se “Trepça” dhe “Ujmani” janë asete të Serbisë, ka ndërhyrë dhe vazhdimisht po ndërhyn në sovranitetin e Kosovës. Liderë të opozitës dhe analistë të ndryshëm konsiderojnë se Vuçiqit në të ardhmen nuk duhet t’i lejohet hyrja në vend, të cilën gjë nuk e ka bërë deri më tani Qeveria e Kosovës. Edhe pse Qeveria e Kosovës i kishte dhënë leje për t’i vizituar komunat veriore të vendit, Vuçiq, nuk respektoi shtetin e Kosovës. Por, deklaratat e këtilla të Vuçiqit për kryeministrin Isa Mustafa, nuk janë serioze dhe ai nuk merret me to, meqë duket se të gjitha këto që po i deklaron Vuçiqi ai i ka nënshkruar, në Bruksel. Realisht, nuk janë edhe aq serioze ato deklarata, përderisa Isa Mustafa, Hashim Thaçi, Kadri Veseli, madje as të parët e UÇK-së e tani të PDK-së nuk e bëjnë dot as edhe një hap për në veri. Ata thjesht kanë hequr dorë përgjithmonë nga veriu, por këtë nuk e deklarojnë hapur, sepse ende ka votues budallenj që iu besojnë fjalëve të tyre e jo veprave të tyre konkrete në dëm të Kosovës.
