Ish-i dërguari i Bashkimit Evropian për Kosovën, Wolfgang Petriq, nuk beson se mund të ketë një ndërhyrje direkte ruse, në Kosovë. Megjithatë kërkon kujdes të shtuar në aspektin e sigurisë, sidomos në këtë vit dhe vitin e ardhshëm, për shkak të zgjedhjeve në BE, në Amerikë dhe shumë vende të tjera. Maturia është gjëja më e rëndësishme. Kam frikë se nuk do të ketë përparim në dialogun ndërmjet Beogradit dhe Prishtinës për shkak të zgjedhjeve të ardhshme të BE-së dhe mbledhjes së re të Komisionit Evropian. Prandaj çështja e sigurisë tani është në ballë. KFOR-i në Kosovë tashmë po shton forcat e tij, duhet pasur kujdes që të mos përsëriten ngjarjet si ajo në Banjskë. Sa i përket faktit nëse Rusia po përdor precedentin e Kosovës për të ndërhyrë në Ukrainë dhe për deklaratat e kryeministrit Albin Kurti se Serbia është zgjatim i Rusisë në rajon, Petriq ka bërë thirrje për përmbajtje nga gjuha nxitëse. Retorika politike nuk i sjell asnjë përfitim asnjë partie, mbi të gjitha nuk sjellë asgjë për njerëzit që jetojnë në Kosovë. Minoriteti serb në Kosovë jeton në kushte shumë të vështira. Gjithmonë është e nevojshme për t’u kujdesur për më të cenuarit. Duhet pasur kujdes që gjërat të mos dalin jashtë kontrollit. ka porositur Petriq.
Kontrolloni gjithashtu
Opozita është ankuar se nuk po gjejnë përkrahje nga shumica për formimin e Komisioneve Hetimore
Partitë opozitare janë ankuar se nuk po gjejnë përkrahje nga shumica për formimin e Komisioneve …