Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Kuvendit të Kosovës, Xhavit Haliti, konsideron se ka pasur nevojë që të ketë më shumë konsultime para se të vendosej taksa prej 100% ndaj produkteve që prodhohen në Serbi e në Bosnjë e Hercegovinë, sepse në Kuvend e kanë votuar marrëveshjen e CEFTA-s, dhe është dashur të shihet se çfarë çmimi mund të paguajë Qeveria e Kosovës në rast se nuk e respekton një marrëveshje të tillë. Haliti thotë se nëse Serbia po thuhet se ka shkelur marrëveshjet e CEFTA-s, atëherë Qeveria e Kosovës është dashur të bëjë konsulta me specialistë të kësaj fushe dhe të ankohej në CEFTA si në të njëjtin rast siç po bëjnë tani Serbia e Bosnja e Hercegovina. Ne kemi nënshkruar marrëveshjen e CEFTA-s dhe duhet ditur se çfarë çmimi mund të paguaj një Qeveri e cila nuk respekton një marrëveshje ndërkombëtare, u shprehet Haliti i cili prej fillimit ka kundërshtuar vënien taksave kundër prodhimeve serbe, për arsye që ai i di vetë, por nuk i ka thënë të gjitha, të paktën jo ato që nënkuptohen.
