Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Kuvendit të Kosovës nga radhët e PDK-së, Xhavit Haliti, citohet të ketë thënë për Kosovapress se ndërtimi nga ana e Serbisë të 300 shtëpive për serbët në veri të Mitrovicës, është veprim i drejtë dhe i duhur. Serbia ka të drejtë t’i ndërtojë dhe t’i ndihmojë qytetarët serbë në Kosovë. Unë kam një mendim timin në përputhje me Marrëveshjen e Ahtisarit dhe Kushtetutën e Kosovës, Serbia ka të drejtë që t’i ndërtojë dhe të ndihmojë qytetarët serbë, në Kosovë në shumë fusha duke përfshirë edhe infrastrukturën. Prandaj, unë do të uroja që ambienti edhe në veri të jetë i përshtatshëm edhe për shqiptarët e veriut, ashtu siç duhet të jetë edhe për serbët në jug për të bashkëjetuar dhe për të qenë të gjithë kosovarë, tha Haliti. Lidhur me ndërtimin pa lejen e institucioneve të Kosovës të 300 shtëpive për serbët në Zveçan, ai tha se janë kuvendet komunale ato që japin leje. Haliti përkrah kolonizimin e kësaj pjese të Kosovës edhe për faktin se ai me disa si vetë soji i tij, mbështet ndarjen e veriut nga Kosova, pse jo edhe rikthimin kolonialist e hegjemonist të Serbisë në Kosovë.
