Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadorët e rinj amerikanë të emëruar në Ballkan do ta shtojnë presionin kundër Serbisë për ta njohur pavarësinë e Kosovës, ka thënë ish diplomati serb Zoran Milivojeviq. Duke komentuar mbërritjen e ambasadorit të ri amerikan në Prishtinë, ai tha se Hovenier është i pari nga “tre të mëdhenjtë” e ambasadorëve të rinj të që vijnë në rajon, veçanërisht në Prishtinë, në Beograd dhe në Sarajevë. “Ata do të jenë përgjegjës për zgjidhjen e punëve të papërfunduara në Kosovë dhe Bosnjë e Hercegovinë, më saktë do të insistojnë në centralizimin e Bosnjës dhe do të bëjnë presion ndaj Serbisë që ta njohë Kosovën”, tha Milivojeviq për Tanjug. Sipas tij, kjo është strategjia e politikës së jashtme të administratës amerikane të Presidentit Joe Biden. “Tashmë kemi dinamikë rreth Bosnjë-Hercegovinës dhe pres që këtë vit të kemi dinamikë rreth Kosovës, prandaj ardhja e ambasadorit të ri në Prishtinë është fillimi i realizimit të asaj strategjie të hartuar nga administrata e re dhe Departamenti i ri i Shtetit. Sigurisht që është një presion i ri ndaj Serbisë për ta zgjidhur këtë çështje dhe për ta zgjidhur atë në frymën e asaj që Presidenti Biden njoftoi pas marrjes së detyrës në mesazhet e tij të urimit ku foli për njohjen reciproke”, tha Milivojeviq.
