KEK
Fillimi / Kultura / Zymer Mehani: Ishe lulëkuqe
Të martën në Prishtinë promovohet libri“Bukuroshja e Lirisë" kushtuar heroinës se kombit, Antigona Fazliu

Zymer Mehani: Ishe lulëkuqe

(Dëshmores së kombit Antigonë Fazliu)

 

Ishe lulëkuqe

U bëre flamur

Porsi gjeraqinë

Mbi shkrepa e gurë.

Në Drenicë u rrite

Na u bëre dritë

Na u bëre dhe diell

Përherë me kokë n’qiell.

2

Vashë mitare ishe tinë

Shumë e deshe Shqipërinë

Malet, fushat, Qyqavicën

Dhe Gradicën, mbarë Drenicën.

Tërë atdheun e deshe ti

Që nga jugu në veri

Bjeshkët, shkrepat,

Përrojet, brigjet

Lumenjtë, krojet,

Grykat, shtigjet.

E deshe

Flamurin kombëtar

Për shqiptarë-

Thesar dhe ar.

Ishe dhe je

Vashë arbërore

Moj lulëkuqe pranverore

Me gjak tëndin, heroinë

Na e dhurove lirinë.

3

Gone, motra jonë

Moj zemërshqiponjë

U bëre dashuri-

Flamur kuq e zi

Shqipe Shqipërie

Flakadan lirie

4

Krah shqiponje

N’Qyqavicë

Ag mëngjesi

Në Drenicë

Mali seç ushton:

-Antigona rron

5

Në tufan

E në stuhi

Lufton Gona

Për liri

Popullatës

Duarthatë

U lidh plagë

U mjekon vrragë

6

Ishe rreze drite

Në flamur u ngjite

Aty rron gjithmonë

Bukuroshja jonë

 

Kontrolloni gjithashtu

Remzi Limani: Pak fjalë mbi monografinë “Djaloshi me dy zemra (Aushvici i Krushës së Madhe)” vepër e autorit Nusret Pllana

Remzi Limani: Pak fjalë mbi monografinë “Djaloshi me dy zemra (Aushvici i Krushës së Madhe)” vepër e autorit Nusret Pllana

Është e pamundur të shkruash, të lexosh, e mos të përjetosh shtërzime emocionesh shpirti ndër ...