Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyra e Bashkimit Evropian në Kosovë ka shprehur keqardhje për miratimin e Ligjit lidhur me ndryshimin dhe plotësimin e Ligjit për Zyrtarët Publikë, duke theksuar se ky hap u ndërmor pa marrë parasysh këshillat e ofruara nga BE-ja për ta harmonizuar atë me standardet evropiane dhe parimet e meritës. Sipas BE-së, ligji i ri rrezikon të jetë në kundërshtim me rekomandimet e Gjykatës Kushtetuese të vitit 2023 dhe mund të minojë paanshmërinë në rekrutimin dhe transferimin e shërbyesve civilë. BE-ja nënvizon se reforma e Administratës Publike është një komponent i rëndësishëm në rrugën e Kosovës drejt anëtarësimit në BE dhe u bën thirrje autoriteteve të Kosovës që të përmbushin angazhimet e tyre për një administratë profesionale dhe të llogaridhënëse.
