Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-deputeti i Partisë Demokratike të Kosovës, Mërgim Lushtaku, ka reaguar lidhur me kontratën prej 4.6 milionë eurosh për largimin e dheut në autostradën “Ibrahim Rugova”, duke e cilësuar atë si një çështje që duhet të hetohet nga organet e drejtësisë. Përmes një reagimi publik, Lushtaku ka kritikuar Qeverinë e udhëhequr nga Albin Kurti, duke thënë se ajo nuk po arrin të mirëmbajë projektet infrastrukturore të ndërtuara ndër vite. Sipas tij, shuma e ndarë për ndërhyrjen në autostradë ngre pikëpyetje serioze dhe kërkon transparencë të plotë institucionale. “4.6 milionë euro kontratë për heqjen e dheut! Ato që PDK-ja i ka ndërtuar ndër vite, këta nuk janë në gjendje as t’i mirëmbajnë. Ndërkohë, kontrata prej 4.6 milionë eurosh vetëm për heqjen e dheut duhet të trajtohet me urgjencë nga Prokuroria”, ka deklaruar Lushtaku. Ai ka shtuar se, pavarësisht kritikave për mënyrën e menaxhimit të situatës, ndërhyrja është e domosdoshme për të parandaluar rrezikimin e jetës së qytetarëve si pasojë e rrëshqitjeve të dheut. Në fund, Lushtaku ka theksuar se qytetarët meritojnë siguri në infrastrukturën rrugore, përgjegjësi institucionale dhe llogaridhënie për mënyrën se si shpenzohen mjetet publike.
