Sekretari amerikan i shtetit, Mike Pompeo, e ka emëruar zyrtarin e lartë të Departamentit Amerikan të Shtetit, Matthew Palmer, përfaqësues të posaçëm për Ballkanin. Palmer do të marrë pjesë në Forumin strategjik të Bledit në rolin e ri që më 1 shtator, kurse më vonë do ta përfaqësojë SHBA-në në takimet e Quintit në Bruksel e Podgoricë. “Palmer do t’i udhëheqë synimet tona për t’i forcuar përpjekjet diplomatike të SHBA-së në përkrahje të paqes, stabilitetit dhe përparimit në rajon dhe në përqendrimin tek integrimi i shteteve të Ballkanit Perëndimor në institucionet perëndimore”, thuhet në kumtesën e DASH-it. Pos detyrës së re, Palmer do të vazhdojë ta ushtrojë detyrën e Zëvendës-ndihmësit të Sekretarit të Shtetit në Byronë e Çështjeve evropiane dhe euroaziatike.
Kontrolloni gjithashtu
Bedri Hamza shfaq dyshime lidhur me komunikimin e njërit prej organizatorëve të sulmit në veri të Kosovës me Mimoza Kusarin
Kryetari i Mitrovicës, Bedri Hamza, ka ngritur një zë kritik në lidhje me dialogun me …