Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
E ngarkuara me Punë në ambasadën e Shteteve të Bashkuara të Amerikës në Kosovë, Anu Prattipati, ka kryer homazhe pranë memorialit kushtuar personave të zhdukur gjatë luftës, duke riafirmuar mbështetjen e SHBA-së për zbardhjen e fatit të tyre. Ambasada Amerikane theksoi përkushtimin e saj për të mbështetur të vërtetën, drejtësinë dhe përpjekjet për pajtim ndërmjet komuniteteve në Kosovë. “Ambasada amerikane është e përkushtuar të mbështesë të vërtetën, drejtësinë dhe përpjekjet për pajtim”, thuhet në deklaratë. Po ashtu, theksohet rëndësia e dhënies së informacionit të plotë për fatin e të zhdukurve. “Familjet meritojnë informacion të plotë për fatin e më të dashurve të tyre”, theksohet në reagimin e ambasadës. Ky veprim vjen në një kohë kur çështja e personave të zhdukur mbetet ende një nga plagët e hapura të së kaluarës në Kosovë dhe një temë e ndjeshme në procesin e normalizimit të marrëdhënieve me Serbinë.
