Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Agjencia e statistikave “Pew Research Center”, duke përdorur të dhënat e vitit 2015 të Organizatës së Kombeve të Bashkuara ka konstatuar se 1 milion e 120 mijë shqiptarë nuk jetojnë në Shqipëri. Kjo do të thotë se rreth 28% e popullsisë shqiptare, për një arsye apo tjetër, është larguar nga vendlindja e vet. Në bazë të kësaj të dhëne, Shqipëria është ndër 3 vendet e para në botë me “humbjen” më të madhe të popullsisë nëpërmjet emigracionit. Madje në raport me popullsinë, Shqipëria ka më shumë humbje të popullsisë sa edhe vetë Siria, e cila është prej disa vitesh në gjendje të vazhdueshme lufte. Ndërsa, vendi i parë në botë që ka numrin më të madh të emigrantëve në raport me popullsinë është Bosnje-Hercegovina. Por vlen të theksohet është fakti se ky emigrim kaq i theksuar i popullatës shqiptare krijon një derdhje të kapitalit njerëzor që është burimi më i rëndësishëm për zhvillimin e një vendi.
