Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mediet në Tiranë kanë publikuar akuzat që rëndojnë mbi ish kryeministrin e Shqipërisë dhe ish liderin e Partisë Demokratike, Sali Berisha. Mediet atje kanë publikuar njoftimin e Prokurorisë së Posaçme Kundër Korrupsionit dhe Krimit të Organizuar për akuzat që rëndojnë mbi ish-Kryeministrin Sali Berisha (me masë sigurie detyrim paraqitje), dhëndrin e tij, Jamarbër Malltezi (me masë sigurie arrest në burg) dhe Fatmir Bektashin (me masë sigurie detyrim paraqitje) në lidhje me privatizmin e ish-klubit sportiv Partizani në Tiranë. SPAK njofton se në vijim të hetimit është krijuar dyshimi i arsyeshëm, i mbështetur në prova se nga ana e Sali Berishës, në cilësinë e tij si Kryeministër i Republikës së Shqipërisë, jane kryer veprime konkrete dhe aktive në miratim ligjesh apo aktesh nënligjore, me qëllim përshtatjen e tyre sipas nevojave që paraqiteshin për pesë familjet e njohura pronare, ku fitues i drejtëpërdrejtë ndër të tjerë, rezultonte të ishte bashkëshorti i vajzës së tij, Jamarbër Malltezi.
