Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një ditë pas festimeve të Pavarësisë, Shqipëria shënon sot 81-vjetorin e Çlirimit nga pushtuesit nazistë — një prej datave më të rëndësishme të kujtesës historike të vendit.Udhëheqësit më të lartë të shtetit zhvilluan homazhe në Varrezat e Dëshmorëve të Kombit, duke nderuar sakrificën e mijëra luftëtarëve që dhanë jetën për lirinë e atdheut. Të pranishëm ishin presidenti Bajram Begaj, kryeministri Edi Rama dhe kryetari i Kuvendit, Niko Peleshi. Kryeministri Rama përcolli urimin përmes një postimi në rrjetet sociale, duke ndarë një foto nga Memoriali “Nëna Shqipëri” dhe shkroi: “Me urimin për festën kombëtare të çlirimit, ju uroj të gjithëve një fundjavë të paqtë.” Shqipëria u çlirua më 28 nëntor 1944, pas pesë viteve pushtimi që nisën me agresionin italian të 7 prillit 1939 dhe vijuan me kontrollin gjerman deri në vitin 1944. Kjo ditë shënon fitoren e lirisë, rikthimin e sovranitetit dhe përkujtimin e një kapitulli të rëndë, por vendimtar, të historisë shqiptare.
