Gjatë qëndrimit në Prishtinë, delegacioni tetë anëtarësh i Partisë Socialdemokrate të Gjermanisë, i prirë nga deputetët e Bundestagut Gjerman, Josip Juratovic dhe Martin Rosemann, së bashku me drejtorin e Friedrich-Ebert-Stiftung (FES) në Prishtinë, Frank Hantke, u prit në takim edhe nga drejtuesit e partisë socialdemokrate të prirë nga kryetari, Shpend Ahmeti. “Gjatë këtij takimi u diskutua mbi situatën politike në vendin tonë dhe me theks të veçantë rreth zhvillimeve të fundit, me ç ‘rast nga ana e PSD-së u shpalosën qëndrimet dhe u diskutua mbi hapat e mëtejmë të PSD-së. Lidhur me këtë, u nënvizua rëndësia që Kuvendi i Kosovës të marrë përgjegjësi kyçe mbi proceset e rëndësishme nëpër të cilat po kalon Republika e Kosovës”, thuhet në njoftimin e Partisë Social Demokrate.
Kontrolloni gjithashtu
Ka përfunduar periudha transitore e Bankës Qendrore, lidhur me përdorimin e së dinarit serb, në Kosovë
Ka përfunduar periudha transitore e Bankës Qendrore, lidhur me përdorimin e së dinarit serb, në Kosovë, …