Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi, ka deklaruar se marrëveshja finale me Serbinë duhet të përfshijë njohje reciproke mes dy vendeve dhe anëtarësimin e vendit tonë në organizata ndërkombëtare, ndërsa ka hedhur poshtë mundësinë e ndarjes dhe shkëmbimit të territoreve. Ai në një intervistë për gazetën austriake “Der Standard”, ka theksuar se ideja për korrigjimin e kufijve me Serbinë deri më tani nuk ka qenë në tavolinën e bisedimeve në Bruksel. Kreu i vendit tonë ka thënë se ideja për korrigjimin e kufijve është e tij dhe se ideja për përfshirjen e Kosovë Lindore po ashtu është e tij, dhe se nuk ka qenë subjekt i bisedimeve me Vuçiq. I pyetur se çfarë pret nga paraqitja e kryetarit serb në veri të Kosovës, vizitë kjo e paralajmëruar për 8-9 shtator, ai tha se Kosova nuk do të ndahet dhe se nuk do të ketë shkëmbim territoresh. “Kosova do të ruajë frymën multietnike. Por ne duhet të punojmë për të zgjidhur armiqësitë që kanë ekzistuar për 200 vjet. Ne nuk duhet të jemi peng të kufijve të vendosur gjatë Jugosllavisë së Titos. Jugosllavia nuk ekziston më. Kosova ka marrëdhënie të mira fqinjësore me të gjithë fqinjët e saj, Maqedoninë, Malin e Zi dhe Shqipërinë. Prandaj, askush nuk duhet të ndjehet i kërcënuar nga një marrëveshje e mundshme ndërmjet Kosovës dhe Serbisë”, ka thënë ai.
