Komuna e Malishevës dhe KDI pajtohen për bashkëpunim në programin për komunikim me qytetarët

12/09/2018 Institucionet

Kryetari i Komunës së Malishevës, Ragip Begaj, ka pritur në një takim pune, delegacionin e Instituti Demokratik të Kosovës, i udhëhequr nga drejtori ekzekutiv, Ismet Kryeziu, me të cilët kanë biseduar për bashkëpunim në programin e KDI-së, për qeverisjen lokale, përkatësisht komunikimin me qytetarë, përmes takimeve të drejtpërdrejta. Fillimisht, drejtori ekzekutiv i KDI-së, Ismet Kreziu, e ka njoftuar kryetarin Begaj, me qëllim e këtij projekti, që qëllim ka mbajtjen e takimeve me qytetarë dhe grupe joformale, përmes së cilave do të mund të hartohen edhe prioritetet për projektet komunale. Kryetari i Komunës së Malishevës, Ragip Begaj, ka shprehur gatishmërinë e Komunës së Malishevës, për të bashkëpunuar në këtë drejtim, pasi kjo e lehtëson edhe punën e komunës. “Ne në këtë drejtim, kemi përvojën e duhur, pasi në vazhdimësi mbajmë takime me qytetarë, e gjithashtu edhe për hartimin e prioriteteve tona dhe tani, së bashku me programin e juaj, do ta kemi edhe më të lehtë realizimin e këtyre takimeve”, tha Begaj. Sipas KDI-së, në Malishevë janë planifikuar të mbahen 12 takime të tilla me qytetarë dhe grupe jo formale.

Kontrolloni gjithashtu

Muaji Rozë përmbyllet me marsh ndërgjegjësues për luftën kundër kancerit të gjirit

Me rastin e përmbylljes së Muajit Rozë, stafi i Qendrës Kryesore të Mjekësisë Familjare (QKMF) …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara