Zëvendës-ndihmësi i Sekretarit amerikan të Shtetit Matthew Palmer ka thënë sot në Beograd se Uashingtoni fton Serbinë e Kosovën ta vërejnë rastin historik dhe të arrijnë marrëveshjen në të cilën të dy palët të jenë fituese. “Nëse njëri është fitues e tjerë humbës, atëherë askush nuk fiton”, ka thënë Palmer në Forumin e Beogradit për Siguri. Ai ka theksuar se SHBA-ja është e gatshme të dëgjojë e të ndihmojë, por nuk mund të flasë për detajet, para së gjithash lidhur me këmbimet territoriale eventuale, sepse nuk është prezantuar asnjë plan. Amerika e kupton shqetësimin se këmbimi i mundshëm i territoreve mund të nxisë krizë në vende të tjera të rajonit, por dihet se edhe konflikti i ngrirë paraqet rrezik për stabilitetin rajonal.
Kontrolloni gjithashtu
Ish-kryetari i Sllovenisë, Borut Pahor thotë se është i gatshëm të bëhet emisar i BE-së për dialogun Kosovë-Serbi
Ish-kryetari i Sllovenisë, Borut Pahor, ka gjasa të emërohet emisar i Bashkimit Evropian për dialogun …