Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i Shtetit në Ministrinë e Brendshme të Greqisë Labros Baltsiotis ka folur në lidhje me marrjen e nënshtetësisë greke nga ana e shqiptarëve që jetojnë dhe punojnë në Greqi. Ai tha për mediet e Tiranës se shqiptarët janë ata që kryesojnë nga të huajt, sa i takon marrjes së nënshtetësisë. Sipas tij, në shifrat që disponon Ministria e Brendshme e Greqisë, janë afërsisht 200 mijë shqiptarë që kanë marrë nënshtetësi të vendit fqinj. Zyrtari grek u shpreh se procedurat për marrjen e nënshtetësisë janë të njëjta. Duhet kaluar një test. Ky test konsiston në faktin se personi i pyetur duhet të dijë gjuhën minimalisht, pra është test gjuhe. Gjithashtu, do të ketë pyetje në gjuhën greke, janë 30 pyetje dhe e merr testin personi që përgjigjet saktë në 20 pyetje, tha ai.
